ឯកឧត្តម ទេព ងន អនុប្រធានទី២ព្រឹទ្ធសភា នៃព្រះរាជាណាចក្រកម្ពុជា បានអញ្ជើញជាអធិបតីភាព ក្នុងពិធីក្រុងពាលី សុំម្ចាស់ទឹក ម្ចាស់ដី សិរីជ័យមង្គល ដើម្បីរៀបចំប្រារព្ធពិធីបុណ្យខួបគម្រប់១០ឆ្នាំ ដើម្បីឧទ្ទិសកុសលជូនដល់ដួងវិញ្ញាណក្ខន្ធ លោកជំទាវ ភូ ធៀន ទេព ងន នៅវត្តប្រាំបីមុំ ស្ថិតក្នុងឃុំប្រាំបីមុំ ស្រុកទ្រាំង ខេត្តតាកែវ នាល្ងាចថ្ងៃពុធ ទី១២ ខែកុម្ភៈ ឆ្នាំ២០២០។
ក្នុងពិធីនោះដែរ ក៏មានការអញ្ជើញចូលរួមពីសមាជិក សមាជិកាព្រឹទ្ធសភា ឯកឧត្តម លោកជំទាវ បុត្រា បុត្រី ចៅប្រុស ចៅស្រី លោក លោកស្រី ព្រមទាំងលោកយាយ លោកតា និងពុទ្ធបរិស័ទចំណុះជើងវត្ត និងញាតិមិត្តជិតឆ្ងាយយ៉ាងច្រើនកុះករផងដែរ។